İQNA-nın (Beynəlxalq Quran Xəbər Agentliyi) verdiyi xəbərə görə, İmam Əlinin (ə) Nəcəf şəhərindəki ziyarətgahında mübarək Qədir-Xum bayramına hazırlıq işləri başlayıb.
İmam Əlinin (ə) müqəddəs hərəmi bayram günlərində O həzrətin (ə) mübarək adları yazılmış zərli parça və plakardlar ilə bəzədilir.
Qeyd edək ki, mübarək Qədir-Xum bayramı şiə məzhəbinin ən böyük bayramıdır. Bu bayram hər il Zil-Hiccə ayının 18-də, yəni İmam Əlinin (ə) Qədir-Xum çölündə Allah-Taala tərəfindən Peyğəmbərin (s) vasitəsi ilə İlahi imamət məqamına seçildiyi gündə keçirilir.
Qədir-Xum hadiəsi eyni adlı məkanda Hicrətin 10-cu ilində, Peyğəmbər (s) vida həccindən (həccətul-vida) qayıdarkən baş verib.
Bu bayram hədis qaynaqlarında "Eydullahul-Əkbər" (ən böyük İlahi bayram), "Eydu Əhlil-Beyt" (Əhli-Beytin bayramı) və "əşrəful-əəyad" (bayramların ən şərafətlisi) adlanıb.
http://iqna.ir/fa/news/3835723