په شیطانانو او کفارو د غلبې یوازنۍ لاره مقاومت دې
د ایکنا راپور له مخې، د تهران پښتو راډیو ویبپاڼې نه په نقل، د رهبرۍ ستر مقام حضرت ایت ا... العظمی سید علی خامنه ای ټینګار وکړ په تیرو ۴۰ کلونو کی د ایرانی ملت ډیر پرمختګ او زیاتیدونکې عزت په قران په عمل کولو او مقاومت په علت دی او نن هم په شیطانانو او کفارو د غلبې یوازنۍ لاره مقاومت دې .
د رهبرۍ ستر مقام پرون د روژې د مبارکې میاشتې په درشل کی له قران کریم سره د مینې په محفل کی چی د امام خمینی رح په حسینیه کی د قاریانو ، قرانی مدح ویونکیو او مناجات ویونکیو په ګډون سره ترسره شو ، د بشریت او اسلامی ټولنې ننی اساسی اړتیاوې په قرانی معارفو پوهیدل او په هغو عمل وبلل او د قران کریم په غوښتنه له استکبار ، کفر او طاغوتیانو سره په مقابلې او هغو په وړاندې په مقاومت ټینګار وکړ .
د رهبرۍ ستر مقام څو کاله مخکې په ځینو هیوادونو کی د خلکو پاڅون او اسلامی ویښتیا حرکت ته په اشارې سره جوته کړه دغه حرکت د هغه په قدر د نه پوهیدو او په امریکا او صیهونیسټ رژیم د باور په وجه غلی شو خو د ایران ملت د حضرت امام خمینی رح په برکت چی قرانی معارفو سره بلد وو ، د خپل حرکت او انقلاب په قدر پوهه شول او له هماغه لومړۍ ورځې یې په استکباری قدرتونو باور ونکړ او هغو په وړاندی ودریده
