Ərdoğan: Qüds Fələstinin paytaxtıdır
Türkiyə prezidenti Rəcəb Təyyib Ərdoğan deyib: Qüdsün işğalçı sionist rejimin paytaxtı kimi təqdim edilməsi üzrə bütün səylərə rəğmən, Qüds daim Fələstinin paytaxtı olub, bundan sonra da belə olacaq.
IQNA (Beynəlxalq Quran Xəbər Agentliyi) Sahartv-yə istinadla xəbər verir ki, Rəcəb Təyyib Ərdoğan dünən Londonda etdiyi çıxışında ABŞ hökumətinin bu ölkənin Tel Avivdəki səfirliyinin Qüdsə köçürülməsi ilə bağlı qərarını tənqid edib və deyib: BMT-nin Baş Assambleyasında 128 ölkə bu qərara qarşı gəldi.
Ərdoğan həmçinin deyib: Bəzi ölkələr aldıqları qrantların müqabilində Vaşinqtonun mövqeyini dəstəkləyiblər.
ABŞ hökuməti bu gün İsraildəki səfirliyini Təl-Əvivdən Qüdsə köçürüb.
