İQNA-nın (Beynəlxalq Quran Xəbər Agentliyi) verdiyi xəbərə görə, Rusiyanın Əfqanıstandakı xüsusi nümayəndəsi Zamir Kabulov bu gün (12 Fevral 2019) keçirdiyi mətbuat konfransında deyib: Talibana qarşı həyata keçirilmiş beynəlxalq sanksiyaların qaldırılmasının vaxtı çatıb.
Zamir Kabulov əlavə edib: BMT-nin (Birləşmiş Millətlər Təşkilatı) Təhlükəsizlik Şurasının (TŞ), xüsusi ilə də daimi üzvlərin bu məsələ ilə razılaşdığı halda Moskva bu sanksiyaların aradan qaldırılmasına hazırdır.
Kabulov deyib: Bundan öncə də Taliban təşkilatının terrorçuluq siyahısından çıxarılması barədə söhbət olmuşdu. Bu məsələ yavaş-yavaş və Talibanın milli sülhün həyata keçirilməsində atdığı aydın addımlara cavab olaraq baş verməlidir.