İQNA-nın (Beynəlxalq Quran Xəbər Agentliyi) verdiyi xəbərə görə, Əfqanıstanın təhlükəsizlik qüvvələri ölkənin Vərdək əyalətində Taliban terrorçularının on beş üzvünü məhv ediblər.
Təhlükəsizlik qüvvələri Taliban terrorçularının Nərx regionunda məlumat əldə etdikdən sonra dərhal əməliyyata başlayıblar.
Həftənin Cüməaxşamı günü (6 İyun 2019) keçirilən əməliyyatda Talibanın 15 üzvü və çox miqdarda silah-sursatı məhv edilib və digər iki nəfəri əsir edilib.
Qeyd edək ki, Taliban terrorçuları Əfqanıstanın Vədrək əyalətində aktivdirlər və əllərinə düşən hər bir fürsətdə dövlət qulluqçularına hücum edirlər.