Dubayın seçilmiş qarilərinin tilavəti yazıldı
Dubayın "Beynəlxalq Qurani-Kərim Mükafatı Müəssisəsi" bu şəhərin seçilmiş peşəkar Quran qiraətçilərinin beş nəfərinin tərtil tilavətinin audio yazılarını hazırlayıb.
İQNA-nın (Beynəlxalq Quran Xəbər Agentliyi) BƏƏ-nin "əl-Bəyan" qəzetinin informasiya portalına istinadla verdiyi xəbərə görə, Dubayın beş qarisinin mürəttəl tilavətlə Quran xətmlərinin tam audio yazısı "Beynəlxalq Qurani-Kərim Mükafatı Müəssisəsi"nin saytında, radioda, peyk televiziya kanallarında və sosial şəbəkələrdə paylaşılacaq və habelə bərk disklər (CD) üzərinə yazılaraq Quran müəssisələrinə göndəriləcək.
Quranın tərtil tilavəti ilə bir dövr tam xətm edilməsi və audio yazısının hazırlanmasında Şeyx Üsamı Safi, Şeyx Abdullah Səbavi və Şeyx Vəlid Mərzuqi iştirak ediblər.
Yeni hazırlanmış bu üç tilavətə öncədən yazılmış Şeyx Xəlifə Tənici (BƏƏ-nin beynəlxalq Quran yarışları hakimi) və Suriyalı qari mərhum Şeyx Əhməd Kərasinin Quran tilavətlərinin audio yazısı da əlavə edilib.
