بسیج امام کی دراس کرگل میں امدادی کارروائیاں
ایکنا نیوز-اسلام ٹائمز۔ امام خمینی (رہ) میموریل ٹرسٹ کرگل کی ذیلی شاخ ’’بسیج امام‘‘ کے ھیڈ آفس سے بسیجی رضاکاروں کی ایک ٹیم زیر سربراہی احمد حسین اڈوائزر بسیج امام برائے تقسیم ملبوسات کی دوسری کھیب علاقہ دراس پہونچ گئی۔ جیسے ہی یہ کھیپ دراس پہونچ تو علاقہ بھر کے لوگ وہاں جمع ہوئے اور انہوں نے اپنے ضروریات ادارے کے سامنے رکھ کر امداد حاصل کی۔
یاد رہے تقسیم ملبوسات کی یہ دوسری کھیب چوکیال گاوں سے لے کر شمشاہ کھربوہ تک بسیج کے جوانان کے ذریعہ تقسیم کی گئی۔ علاقے کے لوگوں نے بسیج امام کی اس غریب پرور فعالیت کی سراہنا کرتے ہوئے ادارے کا شکریہ ادا کیا اور کہا کہ آیندہ بھی اس طرح کے رضاکارانہ کام انجام دے کر عام عوام کے لئے سہولیت فراہم کریں۔
بسیج امام کے رضاکاروں نے بھی علاقے کے عوام کے لئے آیندہ بھی اسی طرح کے پروگرام علاقے میں منعقد کرنے کی یقین دہانی کی
