IQNA

ABŞ Nümayəndələr Palatasının üzvü, Minnesota ştatından olan demokrat İlhan Omar “AIPAC” sionist lobbisinin tərəfdarlarından çox sayda təhdid mesajı aldığını söyləyib.

İlhan Omarın Fələstin hüquqları uğrunda cəsarətli çıxışlarından sonra, “AIPAC” sionist lobbisi konqresmenin Amerika cəmiyyətindəki nüfuzuna xələl gətirmək üçün ona qarşı kiber məkanda geniş kampaniyaya başlayıb.

"Deyerler.org"un Yaxın Şərq KİV-nə istinadən verdiyi xəbərə görə, İlhan Omarın nümayəndəsi müsahibəsində Omara qarşı çox sayda ölüm təhdidi və digər təhdid mesajları gəldiyini, bunun məsuliyyətsiz olduğunu deyib.

Xatırladaq ki, “AIPAC” təşkilatı“Facebook”da İ.Omara qarşı geniş kampaniya başladıb. Bundan əvvəl demokrat konqresmen, sionist rejimin Qəzzanın müdafiəsiz sakinlərinə hücumlarını və fələstinlilərin qətlini dövlət terrorunun bariz nümunəsi kimi tanıdıb.