IQNA

Kamfanin dillancin labaran iqna ya habarta cewa, ya nakalto daga shafin sadarwa na yanar gizo na News Masr cewa, dan jaridar kasar Saudiyya Ebrahim Al-Farian ya mika kyautar kur’ani mai tsarki a cikin harshen Faransanci ga Karim Benzema, tauraron dan kwallon Faransa na kungiyar Al-Ittihad Jeddah.

Elfarian ya saka wani bidiyo a shafinsa a dandalin X (tsohon Twitter) yana nuna shi yana ba da kyauta ga Benzema yayin da yake tafiya tare da rakiyar.

Dan jaridar kasar Saudiyya ya rubuta a kan wannan bidiyo cewa: Na ba shi kwafin kur’ani mai tsarki da aka fassara zuwa Faransanci.

Kwanaki biyu da suka wuce, bayan wasan da aka yi tsakanin Al-Ittihad da Al-Raed, Elfarian ya baiwa Fabinho agogon Rolex.

Karim Benzema yana daya daga cikin shahararrun musulmi a fagen wasanni. A shekarun baya, gaisuwar bukukuwan Musulunci da hotunan ziyarar da Benzema ya kai aikin Hajji ya samu karbuwa daga masu amfani da shafukan sada zumunta na musulmi.

A ranar 16 ga watan Agusta bayan kammala halartar wannan kungiya a gasar cin kofin zakarun kulob-kulob na Sarki Salman ya ziyarci birnin Makka da gudanar da aikin Umrah.

A wancan lokacin Benzema ya fitar da wani faifan bidiyo a dandalin sada zumunta na X a lokacin da yake gudanar da aikin Hajji Umrah, inda yake dawafin Ka'aba a cikin tufafin Ihrami.

A cikin ‘yan watannin nan dai ci gaba da tozarta kur’ani mai tsarki da aka yi a kasashen turai, ya yi zafi a zukatan al’ummar musulmi a duk fadin duniya, kuma a kafafen yada labarai an yi ta samun labarai daban-daban na martanin musulmi dangane da wannan cin mutuncin.

4163093