IQNA

Kamfanin dillancin labaran iqna ya habarta cewa, shafin yada labarai na Al-Nashrah ya bayar da rahoton cewa, kungiyar Hizbullah ta kasar Labanon ta sanar a cikin wata sanarwa da ta fitar cewa mayakan Hizbullah ne suka kai wa yahudawan sahyuniya hari.

Kungiyar Hizbullah ta kasar Labanon ta sanar a cikin wannan sanarwa cewa: A ci gaba da mayar da martani ga hare-haren da gwamnatin sahyoniyawan ta ke kai wa kan fararen hula a kasar Labanon, da yammacin yau laraba ne bangaren shahidan Mahmud Bayz da Shahidai Mehdi Atavi 'yan gwagwarmayar Musulunci suka kai farmaki kan yankin Al-Malkiyeh na yahudawan sahyuniya.

A ci gaba da bayanin na kungiyar Hizbullah ta kasar Labanon yana cewa: An kai harin ne ta hanyar amfani da makami mai linzami da bama-bamai da kuma makaman roka da aka kai wa wannan matsayi kai tsaye.

Kungiyar Hizbullah ta kasar Labanon ta bayyana cewa: A sakamakon wannan harin an kai hari kan wasu sojoji tare da lalata wani kaso mai yawa na kayayyakin fasaha.

Ban da wannan kuma, kungiyar Hizbullah ta kasar Labanon ta sanar da cewa, an kai hari kan matsayin Roysat al-Alam a tsaunin Kafr Shoba da yankunan Shabaa da ta mamaye da makaman roka da makamai daban-daban da suka hada da makamai masu girman milimita 57. Wannan matakin ya haifar da lalacewa kai tsaye a tsakanin makiya.

A gefe guda kuma, wakilin Al-Mayadeen ya sanar da cewa, a karo na biyu a wannan rana tsayin daka na muslunci na kasar Labanon ya yi ruwan bama-bamai da kuma yin barna ga sojojin yahudawan sahyoniya da makamantansu.

Kafofin yada labaran yahudawan sun kuma bayyana cewa, an harba makamai masu linzami guda 10 daga kasar Lebanon zuwa yankunan da aka mamaye.

4176362