IQNA

Kwa mujibu wa mwandishi wa IQNA, kongamano hilo limeandaliwa na Wizara ya Hija na Umrah ya Saudi Arabia na anwani yake ni "Hija; Jukwaa la Amani".

Washiriki katika kongamano hilo wanajadili maduhui kama vile, "Uislamu, Dini ya Amani", "Utajiri wa Kifiqhi wa Ibada ya Hija na Taathira zake katika Kufikia Amani," "Maadili ya Amani katika Ibada ya Hija", na "Amani katika Hija kwa Wanadamu, Wanyama, Mimea na Mazingira."

Aidha waandalizi wanasema mada zingine ambazo zinajadiliwa katika kongamano hilo ni "Mafunzo ya Mtume SAW katika Hotuba ya Hajjatul Wida (Hija ya Mwisho) na namna ya kufikia amani katika familia na jamii," na "Utumizi wa Mfumo wa Habari wa Kidijitali na taathira zake katika kuwahudumia Mahujaji."

Mahujaji zaidi ya milioni mbili wanatazamiwa kutekeleza Ibada ya Hija mwaka huu.

3633813