İsveç müsəlmanları yeni məscid tikmək istəyir
İsveç Vaxjo şəhərində müsəlmanların sayının əhəmiyyətli dərəcədə artımısını nəzərə alaraq, şəhərdə 1000 nəfərlik böyük bir məscid tikmək planlaşdırılır.
İQNA, Maide.Az-a istinadən xəbər verir ki, bunu Vaxjo şəhər məscdinin imamı İsmail Abdullah deyib.
O bildirib ki, ilk məscid 15 il əvvəl tikilib və şəhərdə müsəlmanların sayı artıb. “Fitir və Qurban bayralarında ibadət üçün məscidə gələn insanların sayı 2 mindən çox olur. Məscid kiçik olduğu üçün ibadət edənlər ətraf park və küçədə namaz qılmağa məcbur olur”.
O deyib ki, yeni məscid ənənəvi və müasir üslubda inşa ediləcək. “Məscidin inşası üçün İsveç hökumətinə müraciət olunub. Razılıq alındıqdan sonra məscidin 2025-ci ilədək tikilməsi planlaşdırılır.”
